» Nyuntu ngura nganala iti ngaringu?

Ngayulna nganala ngatingu Irunytjula .

» Nyuntu ngur nganala pulkaringu?

Iruntjulana pulkaringu mununa Pipalyatjarala nyanga pulkaringu ngura nyangangka ngura uwangkarangka nyanga Ilitjarala tjanalana

» Mai nya tjuta nyuntu ngalkupai?

Mai kampurarpa munu wayulpa, kunakanti, mai arnguli munu kuka, kuka tjuta.
» Nyuntu piranpa tjuta ngura nganala nyangu?

Piranpa tjuta nyangu Palkila ngura, munu nganala Walula munu Mamutjarala piranpa tjutangku inma inkangi kamulangku kumpurangkunyangka. Ka piranpa tjutangku inma inkangi nyakula wangka utitjutangku.

» Nyuntu nya kuliningi piranpa tjuta nyakula?

Piranpa tjuta nyakulana kuliningi. paulkumantilanya palu wiya waraya pitjaliangi piranpa paluru tjanaya wara pitjalinangi. Ka wiluranguru ngalya wirkanu munu kamulangkalanya utitjunu utitjunuralanya katirinangi ngulu wiya pitjalinangi anangu tjutalanya. Ka kutjupa tjara tjuta kutjupa ngura panya nganakulanya katingu Wirtjulku munula palula nyinangi mai pulkangkalanya ungangi.

» Nyuntu nganala nyinapai nyuntumpa walytjangka?

Ngayulu nyaapangkana nyinapai? Ngunytjungka mamangka munu kuntili tjutangka.

» Nyuntu ngurkantankupai waltja tjuta nyura kutjupa kutjupanguru tjunguringkula nyinara?

Anangu waltja tjuta munu kukaku ankupai munu kuka mantjilpai maku kulu tjala.

» Munu nyura mungartjirira inmaku pakalpai?

Mungartjiriya inmaku pakalpai inma kantulpai inkanyangka watingku minymangku, minymangku inkanyangka.